hulle sê toeval is net God se manier om anoniem te bly.
as ek terugkyk na die pad wat ons tot hier geloop het, sien ek nie net gebeure nie; ek sien hoe fyn kristalle van "toeval" eintlik 'n groter prentjie vorm’ ..............alles is connected!!
in die Bybelse tyd was sout nie sommer net sout nie; dit was ’n simbool van iets wat hou. in Numeri lees ons van die "soutverbond"......’n belofte wat nie verbreek kan word nie. sout keer bederf ; dit bewaar dit wat kosbaar is. net soos Elisa sout gebruik het om bitter water gesond te maak, het sout deur die eeue heen genesing en wysheid gesimboliseer.
maar daar is ook die waarskuwing: sout wat laf word, verloor sy doel. en Lot se vrou? sy is die ewige herinnering dat ’n mens nie moet vasklou aan dit wat agtergelaat is nie, maar vorentoe moet kyk na die nuwe land.
in 2022, tussen die rowwe klippe en skoonheid van Augrabies, het ons ons eie hoofstuk by hierdie storie gevoeg. op Steven se voorstel het ons ’n "Sout-gelofte" gedoen.
Lydia het ’n pot growwe wit sout vasgehou, en ek ’n pot rooi wynsout (hoe dan anders!). terwyl die korrels uit die twee potte in een saamgevloei het, het ons geweet: net soos wat hierdie korrels nooit weer van mekaar geskei kan word nie, is ons beloftes aan mekaar ook vasgebind. vandag hang daardie drie potte in ons huis in Pretoria—’n herinnering aan die dag toe twee paaie een geword het.
dit is amazing hoe sout ons bly volg. van die groot soutvlaktes aan Namibië se kus tot die stil soutpanne wat ons in die Noord-Kaap naby Kgalagadi ontdek het. selfs ons konneksie met vriende en familie word deur sout "gegeur"—ons WhatsApp-groepe wat begin met die letters van vanne, gevolg deur ons eie , hou die mense wat vêr is, naby............................... hierdie is ons "sout-van-die-aarde-mense".
ja "VerDev, UysDev, MarDev, VanDev, LewDev, ,DevDev, BeukDev, BosDev, .....nou weet julle ook waar dit vandaan kom!
en nou?
ons maak planne vir ’n nuwe hoofstuk iewers aan die weskus, daar naby Laaiplek. ’n plek waar sout in die lug hang, op die panne lê en natuurlik die siel van die bekende bokkoms in Bokkomlaan vorm.
is dit net toevallig dat sout telkens op ons pad verskyn? van die Bybelse simboliek tot die fisiese sout van die Weskus?
miskien nie...... miskien is dit presies hoe dit moet wees: ’n lewe wat gegeur is met stories en ervaringe, bewaar word deur ’n verbond, en hopelik altyd sal smaakvol bly.
en wat hou die toekoms in? .....ons weet nie...... maar ek weet (of wonder) of daar nog hoofstukke sal wees waar sout n rol verder sal speel in ons lewens??
net die tyd sal leer!!!
